კონფიდენციალურობის პოლიტიკა
განახლებულია: 9 სექტემბერი, 2026.
ეს პოლიტიკა განმარტავს, როგორ მუშავდება შენი მონაცემები artista.ge-ზე შეკვეთის, საიტის გამოყენებისა და ჩვენთან მიმოწერისას. მაღაზიას მართავს შპს არტისტა, საიდენტიფიკაციო კოდი 405729403. მონაცემებთან დაკავშირებულ საკითხებზე მოგვწერე info.artista.ge@gmail.com-ზე.
რა მონაცემები მუშავდება
- შეკვეთისა და მიწოდებისთვის მოწოდებული სახელი, საკონტაქტო მონაცემები და მისამართი.
- შეკვეთის შინაარსი, ღირებულება, გადახდისა და დაბრუნების ინფორმაცია; თანხის ჩარიცხვით დაბრუნებისთვის მოწოდებული საბანკო რეკვიზიტები.
- ჩვენთან მიმოწერა და მოთხოვნები.
- საიტის გამოყენების ტექნიკური მონაცემები, მათ შორის IP მისამართი, მოწყობილობისა და ბრაუზერის ინფორმაცია, გვერდებთან ურთიერთქმედება და cookies.
მონაცემებს ვიღებთ უშუალოდ შენგან და საიტის მუშაობისას გამოყენებული ტექნოლოგიებიდან. შეკვეთისთვის აუცილებელი მონაცემების გარეშე მისი დამუშავება ან მიწოდება შეიძლება ვერ შევძლოთ. მიმოწერით არ გამოგვიგზავნო ბარათის სრული ნომერი, უსაფრთხოების კოდი ან პაროლი.
რატომ ვიყენებთ მონაცემებს
მონაცემები გამოიყენება შეკვეთის შესრულების, მიწოდების, დაბრუნების, შენს შეკითხვებზე პასუხის, აღრიცხვისა და სამართლებრივი ვალდებულებების შესასრულებლად. დამუშავების საფუძველია ხელშეკრულების შესრულება ან მის დასადებად საჭირო მოქმედება, კანონით დაკისრებული ვალდებულება და, შესაბამის შემთხვევაში, უსაფრთხოების უზრუნველყოფის კანონიერი ინტერესი ან შენი თანხმობა.
Shopify და მომსახურების მიმწოდებლები
საიტი Shopify-ის პლატფორმაზე მუშაობს. Shopify ამუშავებს მონაცემებს მაღაზიის ფუნქციონირებისა და პლატფორმის მომსახურებისთვის. მაღაზიაში ჩართულია Shopify Network Intelligence: Shopify იყენებს მაღაზიასთან ურთიერთქმედების მონაცემებს სხვა Shopify მონაცემებთან ერთად მომსახურების, რეკლამის დამიზნებისა და პერსონალიზაციის გასაუმჯობესებლად. ამ დამუშავებაზე დამატებითი ინფორმაცია და უფლებების მართვის საშუალებები მოცემულია Shopify-ის კონფიდენციალურობის პოლიტიკაში და კონფიდენციალურობის პორტალზე.
მიწოდებისა და დაბრუნებისთვის საჭირო მონაცემები გადაეცემა საკურიერო მომსახურებას; გადახდის ან თანხის დაბრუნებისას შესაბამის ინფორმაციას ამუშავებენ ფინანსური მომსახურების მიმწოდებლები. მონაცემები შეიძლება მიეწოდოს უფლებამოსილ ორგანოებს კანონით გათვალისწინებულ საფუძველზე.
Cookies და მარკეტინგული არჩევანი
Cookies გამოიყენება საიტის ფუნქციონირებისთვის, არჩევანის დამახსოვრებისა და გამოყენების ანალიზისთვის. შესაბამისი ტექნოლოგიები ასევე შეიძლება გამოიყენებოდეს რეკლამისა და პერსონალიზაციისთვის. სადაც საიტი cookies-ის არჩევანს გთავაზობს, შეგიძლია მართო შენი თანხმობა. Cookies-ის შეზღუდვა ბრაუზერშიც შეგიძლია, თუმცა ამან საიტის ზოგი ფუნქცია შეიძლება შეაფერხოს.
პირდაპირი მარკეტინგისთვის თანხმობა შეგიძლია ნებისმიერ დროს გააუქმო შეტყობინების გამოწერის გაუქმების ბმულით ან ელფოსტაზე მოწერით. ეს არ აუქმებს შეკვეთის შესრულებისთვის საჭირო შეტყობინებებს.
შენახვა და საერთაშორისო დამუშავება
მონაცემებს ვინახავთ იმ ხნით, რაც საჭიროა შეკვეთის, დაბრუნებისა და მოთხოვნის დამუშავებისთვის, აგრეთვე კანონით სავალდებულო აღრიცხვისა და დავის მოგვარებისთვის. კონკრეტული შენახვის ვადის შესახებ შეგიძლია მოგვმართო.
Shopify-ის მიმდინარე ჰოსტინგის პარამეტრით მონაცემები ინახება აშშ-ში. Shopify-ისა და მისი მომსახურების მიმწოდებლების მონაწილეობით მონაცემები შეიძლება საქართველოს ფარგლებს გარეთაც დამუშავდეს. ამ დამუშავების შესახებ დეტალები მოცემულია Shopify-ის ზემოთ მითითებულ პოლიტიკაში.
შენი უფლებები
კანონით დადგენილი პირობებით შეგიძლია მოითხოვო ინფორმაცია მონაცემების დამუშავებაზე, წვდომა და ასლი, შესწორება, წაშლა, დამუშავების შეწყვეტა ან დაბლოკვა და მონაცემთა გადატანა, აგრეთვე გააუქმო თანხმობა. მოთხოვნისთვის მოგვწერე ელფოსტაზე; შესაძლოა საჭირო გახდეს ვინაობის გონივრული გადამოწმება. გიპასუხებთ კანონით დადგენილ ვადაში. შეგიძლია მიმართო სახელმწიფო აუდიტის სამსახურს ან სასამართლოს.
სხვა პლატფორმები და განახლებები
Facebook-სა და Instagram-ზე მიმოწერაზე შესაბამისი პლატფორმების კონფიდენციალურობის პირობებიც ვრცელდება. პოლიტიკის ცვლილებისას განახლებულ ვერსიას და თარიღს ამ გვერდზე გამოვაქვეყნებთ.